Maa, tere hathon ke sparsh ki kami mehsoos karta hun,
Par in parayon ke bheed me kehne se bhi darta hun,
Kya pata koi samjhe ya dutkaar de
Isliye apni bhavnaaon ka zikr in panktiyon me karta hun.
Maa,tere hathon ke sparsh ki kami mehsoos karta hun.
Mil jaaye kisi ko har or waah-waahi
Thaat bhi mil jayen bhale hi shahi
Mamta ki chaaon bina nahi hai aanchal pura
Main usi aanchal ki talaash karta phirta hun
Maa,tere hathon ke sparsh ki kami mehsoos karta hun.
Raam ko bhi mili hogi jab maa se judai
Kaanpa hoga unka bhi mann,Pran hogi kanth tak aayi,
Par wo to purushottam the jo ye anyaay bhi seh gaye
Main to nahi hun raam!
Phir kyun kiya mujhe khudse alag?
Main isi sawaal ka zawaab dhundha karta hun
Maa,tere hathon ke sparsh ki kami mehsoos karta hun.
Maa,mujhe yaad hai tera apne khane se mere liye mithaiyan alag karna
Papa ke daant dene pe pyar se sar pe hath pherna
Jahan ladkhadane lagun wahan khud sambhalne ki hidayaten dena
Maa,mujhe sabkuch yaad hai par main tujhe yaad karta hun!
Maa,tere haathon k sparsh ki kami mehsoos karta hun.
"This poem I wrote when I was in std.IX and I was away from my family as always.I remember it was raining that day and as all "Poets in head" would agree that rain certainly imbibes Emotional seeds into your minds....most of the time concerning your girlfriend/boyfriend....this time it was for Mom.I love you mummy.
3 comments:
Nice... emotional...but its unlike u..
simply appreciated bro.... loved this.. hope to see some more.. may b for dad..!!
Post a Comment